د کابل طبي علومو پوهنتون اړوند تدریسي روغتونونو له ۱۲۳ مسلکي اعلان شویو بستونو څخه د فارمسست، لابرانت او نرسنګ بستونو برخو کې له کامیاب شویو کسانو چې د حضوري مصاحبې لپاره پر شرایطو برابر ګنل شوي وو؛ د موظف کمېټې له لوري کاري مصاحبه ترسره شوه.
دغه بستونو ته موده مخکې له شاخوا ۷۰۰ کسانو څخه تحریري آزموینه واخیستل شوه چې د همدغې اونۍ په لومړیو کې یې پایلې معلومې او د دغه درېیو برخو لپاره ۲۹ کسان د حضوري مصاحبې لپاره پر شرایطو برابر وګنل شول.
د کابل طبي علومو پوهنتون رهبري د اهلیت پر اساس کار اهل کار ته د سپارلو اصل ته ژمن دي؛ ځکه د شفافیت رامنځته کولو په موخه په مسلکي بستونو کې د تقرر پر مهال د تحریري آزموینې سربېره له نوماندانو سره مخامخ مصاحبه هم ترسره کوي.