هغه ناروغان چې په دوامداره توګه د ستروئیدونو تر درملنې لاندې دي، د هغو انستزۍ ته د رسیدګۍ په موخه اړوند مشورتي ناستې
په دې تړاو اړوند لومړنۍ مشورتي ناسته د ۱۳۹۸ لمریز کال د مرغومي (جدي) میاشتې په ۱۷ نېټه د کابل ښار ځینو روغتونونو د انستیزي ډاکترانو او یو شمېر استادانو په ګډون د کابل طبي علومو په پوهنتون کې او دویمه ناسته یې په سبا یعنې د مرغومي میاشتې په ۱۸ نېټه د کابل ښار ځینو روغتونونو د جراحۍ برخې متخصصینو او د یاد پوهنتون د یو شمېر استادانو په ګډون د یاد پوهنتون په علمي معاونیت کې دایره شوه. دا دواړه ناستې د کابل ابو علي ابن سینا طبي علومو پوهنتون د رئیس په وسیله پرانیستل شوې، چې بیا تر هغه وروسته د ناستو ګډونوالو د موجوده وضعیت د ارزونې او د هغو د حل لارو په اړه علمي بحث او خبرې وکړې.
په دې ناستو کې د اړوندې موضوع په هکله مشخص وړاندیزونه ارایه شول، چې تر نهایی کېدو وروسته باید اړوندو مراجعو ته ولېږل شي.
سربېره پر دې د ناستې ګډونوالو د داسې علمي ناستو دایرولو په اړه د مننې ترڅنګ وغوښتل، چې د کابل طبي علومو پوهنتون د عامې روغتیا وزارت په مرستې په راتلونکي کې د اړوندو برخو استازو په ګډون په ملي کچه یوه لویه ناسته دایره کړي، چې د انستزۍ په برخه کې د هیواد موجوده ستونزې پکې په پراخ ډول مطالعه او مناسبې عملي حللارې ورته پیدا شي.
