د کابل طبي علومو پوهنتون «ابوعلي ابن سينا» اړوند په عليآباد تدريسي روغتون کې د Radiofrequency Ablation (RFA) او Radiofrequency Rhizotomy تخصصي علمي او عملي ورکشاپ د عصبي جراحۍ څانګې د استادانو، متخصصينو، تريني ډاکټرانو او د اړوندو څانګو د ګډونوالو ...
د کابل طبي علومو پوهنتون «ابوعلي ابن سينا» اړوند په عليآباد تدريسي روغتون کې د Radiofrequency Ablation (RFA) او Radiofrequency Rhizotomy تخصصي علمي او عملي ورکشاپ د عصبي جراحۍ څانګې د استادانو، متخصصينو، تريني ډاکټرانو او د اړوندو څانګو د ګډونوالو په حضور کې په بريالي ډول سره ترسره شو.
دغه ورکشاپ د ملا مزمن درد (Chronic Back Pain) او د عصب درېګوني نورالژۍ (Trigeminal Neuralgia) د درملنې لپاره د نويو او لږ تهاجمي (کمتهاجمي) لارو د معرفي او روزنې په موخه جوړ شوی و. ګډونوالو د دغو پرمختللیو تخنيکونو له نظري مباحثو، علمي اصولو، د کارونې مواردو، د ناروغانو د مناسبې ټاکنې او د پلي کېدو له طريقو سره هر اړخيزه بلدتيا ترلاسه کړه.
کابل طبي علومو پوهنتون «ابوعلي ابن سينا» تل هڅه کوي چې د علمي، ښوونيزو او تخصصي پروګرامونو په جوړولو سره د پوهې د لېږد بهير پياوړی کړي او هېوادوالو ته د روغتيايي خدمتونو د کيفيت د لا ښه والي لپاره اغېزمن ګامونه پورته کړي.
