د کابل طبي علومو پوهنتون اړوند علي آباد تدریسي روغتون په تېره یوه میاشت کې ۲۷ زره، ۴۱۹ تنه ناروغانو ته په بېلابېلو برخو کې روغتیایي خدمات وړاندې کړي دي.
د یاد روغتون له لوري په ورکړل شویو معلوماتو کې راغلي چې دغه خدمات د داخلې، عمومي جراحي، اورتوپيدي، یورولوژي، عقلي او عصبي، انتاني ناروغیو سرویس، آنکولوژي او همدارنګه په نورو تشخیصیه او معایناتي برخو کې ترسره شوي دي.
علي آباد تدریسي روغتون د ناروغانو د ښې درملنې لپاره شپه او ورځ زیار باسي او هڅه کوي څو د روغتیایي خدماتو وړاندې کولو کچه لا لوړه کړي.
