...د روغتیایي خدماتو کیفیت ارزونې او په روغتون کې شپنیو ستونزو ته د رسېدنې په موخه د کابل طبي علومو پوهنتون د روغتیایي موسسو چارو مرستیال ډاکټر محمد هاشم ځاځي د شپې ۱۰ بجې د میوند تدریسي روغتون بېلابېلو برخو نظارت وکړ.
په دغه نظارت کې چې په ناڅاپي ډول ترسره شو د روغتیایي مسسو چارو مرستیال د نظارت تر څنګ له خدماتي پرسونل، ډاکټرانو او ناروغانو سره له نږدې خبرې وکړې. نوموړي د روغتیايي کارکوونکو د وړاندیزونو او ستونزو له اورېدو سربېره د شپې لخوا د ناروغانو لپاره د خدماتو وړاندې کېدو پر ښه والي ټینګار وکړ.
د یادولو وړ ده چې کابل طبي علومو پوهنتون د ځوانو کادرونو د روزنې ځواکمنتیا، او کیفیت لرونکو روغتیایي خدماتو وړاندې کېدو په موخه د نظارت او ارزونې منظم پلانونه پر لار اچولي دي.
