د کابل طبي علومو پوهنتون «ابو علي ابن سینا» اړوند علي آبادد تدریسي روغتون د اعصابو جراحي ډيپارټمنټ ډاکټرانو د هلمند ولایت اوسېدونکي یو ۱۴ کلن ناروغ د مغز تومور پېچلی جراحي عملیات بریالی ترسره کړ.
د دغه ډيپارټمنټ غړي ډاکټر رحمت الله صلاح نورزي وویل: ناروغ د مغزي تومور ناروغۍ درلودلو له امله روغتون ته مراجعه کړې وه چې د تخصصي معایناتو وروسته یې تومور تشخیص او د جراحي عملیات یې ترسره شو.
د یادولو وړ ده چې د ناروغ عمومي وضعیت ښه دی او له وروستیو کتنو وروسته رخصت شو.
