د کابل طبي علومو پوهنتون اړوند روغتیايي تکمیلي علومو پوهنځي د طبي انجنیري ټکنالوجۍ ډيپارټمنټ یو شمېر فارغ محصلان د نویو زېږېدلیو ماشومانو د ګرمولو (Infant Warm Care) یو پایه ماشین په طراحي او جوړولو بریالي شول چې د فني او جوړوښتې پلوه د نړیوالو نمونو ...
د کابل طبي علومو پوهنتون اړوند روغتیايي تکمیلي علومو پوهنځي د طبي انجنیري ټکنالوجۍ ډيپارټمنټ یو شمېر فارغ محصلان د نویو زېږېدلیو ماشومانو د ګرمولو (Infant Warm Care) یو پایه ماشین په طراحي او جوړولو بریالي شول چې د فني او جوړوښتې پلوه د نړیوالو نمونو سره د پرتلې وړ دی.
دغه ماشین د نویو زېږېدلیو ماشومانو په تېره بیا له مودې مخکې زېږېدلیو او کم وزن لرونکو ماشومانو د بدن تودوخې درجې د ساتلو لپاره طراحي شوی دی. د یاد ماشین جوړونکې ډله محصلان وایي چې د دغه نوښت موخه یې داده چې په روغتونونو کې د نویو زېږېدلیو ماشومانو د مړینې کچه را کمه شي.
یاد ماشین انفراريډ ګرموونکي (Infrared Heating System) سیستم، د نويو زېږېدلیو ماشومانو د بدن حرارت کره اندازه کولو سانسور، د تودوخې کنټرول ډیجيټل سکرین، د تودوخې درجې د غیر معمولي زیاتوالي یا کموالي په صورت کې په خپل سر (خودکار) ډول د خبر ورکولو سیستم لرونکی دی. همدا رنګه د دغه دستګاه بستر د تنظیم وړ دی چې د LED او تودوخې څراغونو په لرلو سره د ماشوم ساتنې لپاره د آرام او مناسب چاپېریال رامنځته کېدو زمینه برابروي.
