نن سه شنبه د روان کال زمري میاشتې پر ۱۴ نېټه مفتي سید جمال آغا د کابل طبي علومو پوهنتون د محصلانو چارو مرستیال او فضل هادي صدیقي د نرسنګ پوهنځي رئیس په توګه رسماً د پوهنتون رهبرۍ، استادانو او کارمندانو ته ور و پېژندل شو.
د پېژندنې په مراسمو کې د کابل طبي علومو پوهنتون رئیس شیخ الحدیث مفتي احسان الله ابوالفیضان نویو مسوولینو ته د ښه راغلاست تر څنګ په ور سپارل شویو دندو کې د لوی څښتن تعالی له دربار څخه د بریالیتوب غوښتنه وکړه.
د پوهنتون رئیس د خپلې وینا په یوه برخه کې د اسلام له نظره په اداري نظام کې د ژمنتیا، همکارۍ او مشورې پر ارزښت خبرې وکړې او د پوهنتون او روغتونونو له ټولو مسوولینو څخه یې وغوښتل څو په نرمۍ او مشورې سره د ادارې ښه والي او تحصیلي او روغتیايي خدماتو لوړوالي په برخه کې هڅه وکړي.
