...
کابل طبي علومو پوهنتون په ۱۴۰۳ هـ ش کال کې د علمي څېړنو په برخه کې د پام وړ زیاتوالي شاهد و. د څېړنو او علمي مجلې معاونیت د شمېرو له مخې په ۱۴۰۲ هـ ش کال کې ټول ټال ۱۴۸ علمي څېړنې په دغه تحصیلي بنسټ کې ترسره شوي، په داسې حال کې چې په ۱۴۰۳ هـ ش کال کې دغه شمېر ۳۰۶ علمي څېړنو ته رسېدلی دی.
دا شمېرې ښيي چې د تېر کال په پرتله د علمي څېړنو په شمېر کې له سل سلنه ډېر زیاتوالی راغلی چې په کابل طبي علومو پوهنتون کې د علمي څېړنو په برخه کې د پام وړ ودې څرګندونه کوي.
کابل طبي علومو پوهنتون هڅه کوي ترڅو د هېواد روغتیایي نظام په ښه والي کې د څېړنو او پراختیا لپاره د زمینې برابرولو په برخه کې اغېزناکه ونډه ولري.
