د کابل طبي علومو پوهنتون اړوند میوند تدریسي روغتون په ۱۴۰۳ هـ ش کال کې د جراحي عملیاتونو او سراپا ناروغانو په درملنه کې د پام وړ زیاتوالي شاهد و.
د وړاندې شویو شمېرو له مخې یاد روغتون په تېر یوه کال کې له ۳ زره زیات جراحي لوی او واړه عملیاتونه په بریالیتوب سره ترسره کړي او د نږدې ۳۰۰ زره ناروغانو لپاره یې سراپا روغتیایي خدمات وړاندې کړي دي.
د یادولو وړ ده چې د ناروغانو دغه زیات شمېر ته رسېدنه د روغتیایي کارکوونکو د زیاتو هڅو، د خدماتو رسونې ظرفیت او طبي تجهیزاتو د ښه والي له امله ترسره شوې ده.
