له کابل طبي علومو پوهنتون څخه د اساس طبي خصوصي پوهنتون ۶۰ تنه محصلانو لیدنه وکړه. دغه علمي سیر د یاد پوهنتون له علمي او روغتیایي جوړښت سره د بلدتیا او محصلانو د علمي معلوماتو د ځواکمنتیا په موخه پر لار اچول شوی و.
د دې علمي سیر په ترڅ کې محصلانو د پوهنتون لابراتوارونو، کتابتون، پوهنځیو او تدریسي روغتونونو له بېلابېلو برخو څخه لیدنه وکړه. همدا رنګه د پوهنتون استادانو او مسلکي ډاکټرانو اړوند برخې محصلانو ته تشرېح کړې او د هغوی پوښتنو ته یې ځوابونه ورکړل.
د اساس طبي خصوصي پوهنتون محصلانو د کابل طبي علومو پوهنتون له لوري د غوره کوربه توب او ګټورو معلوماتو له وړاندې کېدو څخه خوښي څرګنده کړه او یاده لیدنه یې د علمي تجربو زیاتوالي او راتلونکي کاري چاپېریال سره د بلدتیا لپاره ارزښتناک فرصت وباله.
د یاونې وړ ده چې یادو محصلانو د پوهنتون له کتابتون او لابراتوارونو سربېره له ستوماتولوژي تدریسي روغتون هم لیدنه وکړه.
