سید موسی د سید داوود زوی د ۳۵۶.۵۷۴ نمرو په ترلاسه کولو سره د ۱۴۰۴ کال سراسري کانکور په آزموینه کې د هېواد په کچه د عمومي اول نمره مقام ترلاسه او په بریالیتوب سره د کابل طبي علومو پوهنتون د طب پوهنځي ته شامل شو.
د کابل طبي علومو پوهنتون رهبري د دغه بریالیتوب مبارکي سید موسی، درنې کورنۍ ته یې او د هېواد ټولو وګړو ته وايي همدا راز نوموړي ته د طبي تحصیلاتو په مسیر کې د لا بریالیتوب غوښتنه کوي. د پوهنتون رهبري ټولو هغو بریالیو کسانو ته چې په خپل زیار او هڅو سره په دغه ملي آزموینه کې بریالي شوي دي؛ مبارکي وايي او ټولو ته د زده کړو په لار کې د علمي پرمختګونو او هېواد لپاره د خدمت کولو دوامدارو کامیابیو غوښتونکي دي.
