د کابل طبي علومو پوهنتون ريیس په افغانستان کې د نړیوال روغتیایي سازمان (WHO) له عمومي استازي سره ولیدل!
نن چهار شنبه د ۱۴۰۰ کال د حوت ۱۸ مه دکابل طبي پوهنتون رییس پوهنیار داکتر فضل الرحمن رحماني په افغانستان کې د نړیوال روغتیایي سازمان له عمومي استازي لودپینګ سره په داسې حال کې چې د پوهنتون د روغتیایي موسسې مسول او د استادانو چارو آمر هم موجود وو په خپل کاري دفتر کې لیدنه وکړه.
د پوهنتون رئیس د نړیوال روغتیایی سازمان عمومي استازي ته د ښه را غلاست ترڅنګ د پوهنتون په اړه لنډ معلومات وړاندې کړل.
په دغه لیدنه کې له پوهنتون او تدریسي شفاخانو سره په بیلا بیلو برخو کې د همکاریو په اړه هراړخیزې خبرې وشوې، ښاغلي دپينګ د پوهنتون له لاسته راوړنو او پرمختګونو خوشحالی څرګنده کړه، او ډاډ یې ورکړ چې د روغتیا نړیوال سازمان به له پوهنتون او تدریسي شفخانو سره په بیلا بیلو برخو کې خپلو همکاریو ته دوام ورکوي.
