د کابل طبي علومو پوهنتون رئیس شیخ الحدیث مفتي احسان الله ابوالفیضان له سویس هېواد څخه د راغلیو روغتیايي متخصصینو له ټیم سره په کتنه کې په طبي او د روغتیا زده کړو په برخه کې یې د دوی له خدماتو ستاینه وکړه. په دې غونډه کې، چې د پوهنتون مالي او اداري مرستیال
د کابل طبي علومو پوهنتون رئیس د سویسي ډاکټرانو د هڅو د ستاینې ترڅنګ، د دغه پوهنتون له تدریسي روغتونونو سره د دوی د لیدنو او مرستو د دوام پر ارزښت ټینګار وکړ او د دې ټیم شتون یې اړو ناروغانو ته د روغتیایي خدماتو د ښه کولو په برخه کې خورا اغیزمن وباله.
د سویسي متخصصینو دغه ټیم د اوو ورځو لپاره افغانستان ته سفر وکړ چې په دې موده کې دوی د کابل طبي علومو پوهنتون میوند تدریسي روغتون او د سینې، زړه او رګونو ناروغیو په انسټیټیوټ کې روغتیایي او روزنیز خدمات وړاندې کړل.
د یادونې وړ ده چې دغه متخصصینو د خپل سفر په پیل کې هم د پوهنتون له رئیس سره لیدلي و.
