د کابل طبي علومو پوهنتون اړوند میوند تدریسي روغتون له لوري «په افغانستان کې د ماشومانو جراحي ملاتړ لپاره نړیوال مهارتونه او پوهه» تر عنوان لاندې د ماشومانو جراحي دویم نړیوال کنفرانس د دغه پوهنتون د رهبري هیئت غړیو
د کابل طبي علومو پوهنتون اړوند میوند تدریسي روغتون له لوري «په افغانستان کې د ماشومانو جراحي ملاتړ لپاره نړیوال مهارتونه او پوهه» تر عنوان لاندې د ماشومانو جراحي دویم نړیوال کنفرانس د دغه پوهنتون د رهبري هیئت غړیو، تدریسي روغتونونو د جراحي برخې ډاکټرانو او د هېواد روغتونونو د استازو او جراحانو په حضور ترسره شو.
په دغه کنفرانس کې د د کابل طبي علومو پوهنتون رئیس شیخ الحدیث مفتي احسان الله ابوالفیضان د دغه ډول کنفرانسونو ترسره کېدل د ډاکټرانو د ظرفیت لوړونې لپاره مهم وبلل او د خوښۍ څرګندولو تر څنګ یې د علم حاصلولو او ظرفیت په لوړونه کې د شرعي اصولو پر مقام خبرې وکړې. همدا رنګه نوموړي د استادانو او ډاکټرانو د ظرفیت لوړوالي لپاره د داسې علمي کنفرانسونو د دوام غوښتنه وکړه.
د کابل طبي علومو پوهنتون د علمي چارو مرستیال پوهاند دوکتور نجیب الله امرخېل د ماشومانو جراحي مخینې ته په اشارې سره د هغه بسنټونو او اشخاصو چې د همکارۍ توان لري د پوهنتون پر ملاتړ ټینګار وکړ.
د آلمان Magdeburg پوهنتون د تدریسي روغتون د ماشومانو جراحي ډيپارټمنټ شف او استاد پروفیسور زلمي توریال چې له دغه هېواد څخه افغانستان ته راغلی؛ د خپل سفر موخه یې د خپلو علمي تجربو شریکولو او د هېواد خلکو ته روغتیایي خدمات وړاندې کول وښودل.
د کنفرانس په دوام کې د کابل طبي علومو پوهنتون او عامې روغتیا وزارت د تدریسي روغتونونو د ماشومانو جراحي ډاکټرانو د خپلو څېړنیزو جراحي عملیاتونو موندنې او پایلې د پرزېنټېشن په ډول وړاندې کړې.
یاد کنفرانس د نړیوالې پوهې شریکولو، د جراحانو علمي ظرفیت لوړوالي او په افغانستان کې د ماشومانو جراحي خدماتو د ښه والي په برخه کې یو مهم ګام بلل کېږي.
