د کابل طبي علومو پوهنتون اړوند علي آباد تدریسي روغتون د عمومي جراحي ډيپارټمنټ ډاکټرانو له لوري او د سینې زړه او رګونو ناروغیو انسټېټیوټ ډاکټرانو په همکارۍ د زابل ولایت اوسېدونکي یو ۲۰ کلن ناروغ د کیڼ فمورال شریان (Left Femoral Artery) د ترمیم جراحي عملیات

د کابل طبي علومو پوهنتون اړوند علي آباد تدریسي روغتون د عمومي جراحي ډيپارټمنټ ډاکټرانو له لوري او د سینې زړه او رګونو ناروغیو انسټېټیوټ ډاکټرانو په همکارۍ د زابل ولایت اوسېدونکي یو ۲۰ کلن ناروغ د کیڼ فمورال شریان (Left Femoral Artery) د ترمیم جراحي عملیات ترسره شو.

ناروغ د چپې پښې د ورون برخې د شدید ټپ له امله روغتون ته انتقال شوی و. له لومړنیو ارزونو وروسته تشخیص شوه چې د پښې لاندینۍ برخې ته د وینې رسېدنه ځنډنۍ شوې ده، د وینې حرکت نبض یې د لمس وړ نه دی  او کيڼ فمورال شریان (Left Femoral Artery) په بشپړ ډول پرې شوی دی.

له بيړنیو اقداماتو وروسته یې د فمورال شریان د پیوند لپاره د ښۍ پښې ورید (بيروني رګ) (Right Great Saphenous Vein) څخه د کار اخیستلو په توګه د ترمیم جراحي عملیات ترسره شو.

 د یادولو وړ ده چې له عملیات وروسته د ناروغ وضعیت د ډاډ وړ ښودل شوی او د وینې جریان یې د پښې لاندینۍ برخې ته بیا پیل شوی او د پښې نبض هم د لمس وړ دی.