د کابل طبي علومو پوهنتون اړوند تدریسي روغتونونو لپاره درې تنه ملا امامان معرفي شول.
په تدریسي روغتونونوکې د کارمندانو د دیني پوهې لوړولو، معنوي او اصلاحي پروګرامونو جوړولو او جماعت ادا کولو په موخه درې تنه د ملا امام په توګه د دغه پوهنتون اړوند علي آباد او میوند تدریسي روغتونونو او د سینې زړه او رګونو ناروغیو په انسټېټیوټ کې د لوړو زده کړو وزارت د دعوت او ارشاد رئيس شیخ شاکرالله وحدت له لورې په داسې حال کې چې د پوهنتون مالي او اداري مرستیال مولوي عبدالرحمن مرحوم هم حضور درلود معرفي او وګومارل شول.
مفتي روحان الدین رشید د میوند تدریسي روغتون، مولوي خلیل الله معصوم د علي آباد تدریسي روغتون او مولوي احمد سعید د سینې زړه او رګونو ناروغیو په انسټېټیوټ کې د امامانو په توګه معرفي شول.
د پېژندنې په بهیر کې د لوړو زده کړو وزارت د دعوت او ارشاد رئيس دغه امامانو ته په ور سپارل شویو دندو او مسوولیتونو کې د لوی خدای(ج) له دربار څخه د بریالیتوب غوښتنه وکړه.
