د کابل طبي علومو پوهنتون «ابو علي ابن سینا» مرکزي ودانۍ او اړوندو تدریسي روغتونونو ودانیو د اساسي ترمیماتو پروژې چارې چې د ۸ میلیونه، ۹۵۸ زره او ۵۰۰ افغانیو په ارزښت پیل شوې وې، دوام لري.
په دغه پروژو کې د پوهنتون مرکزي ودانۍ، مېلمستون، د توکو ډيپو او تدریسي روغتونونو د ودانیو داخلي ترمیم او رنګمالي شامل دي.
د یادولو وړ ده چې دغه پروژه د زېربناوو د ښه والي، د محصلانو لپاره د غوره روزنیز نظري او عملي چاپېریال رامنځته کېدو، د روغتیايي خدماتو کیفیت لوړوالي، د پوهنتون او تدریسي روغتونونو په چاپېریالونو کې د مناسبو آسانتیاوو زمینې برابرولو په موخه په لار اچول شوې ده.
