د کابل طبي علومو پوهنتون «ابوعلي ابن سینا» اړوند میوند تدریسي روغتون د پلاستیکي جراحي ډيپارټمنټ ډاکټرانو د یو ۱۰ کلن ماشوم د ژبې جراحي عملیات چې ټوله ژبه یې په مادرزادي ډول د خولې له لاندینۍ برخې سره بنده وه او ماشوم د خبرو کولو او ژبې حرکت له ستونزې سره
د کابل طبي علومو پوهنتون «ابوعلي ابن سینا» اړوند میوند تدریسي روغتون د پلاستیکي جراحي ډيپارټمنټ ډاکټرانو د یو ۱۰ کلن ماشوم د ژبې جراحي عملیات چې ټوله ژبه یې په مادرزادي ډول د خولې له لاندینۍ برخې سره بنده وه او ماشوم د خبرو کولو او ژبې حرکت له ستونزې سره مخ و؛ په بریالي ډول ترسره کړ.
د پلاستیکي جراحي ډيپارټمنټ غړي ډاکټر فهیم فهام په وینا، دغه ناروغ د ژبې بشپړ حرکت کمزورتیا او په خبرو کې د بندوالي له امله روغتون ته مراجعه کړې وه چې له لازمو ارزونو وروسته یې د خولې له خالیګاه څخه د ژبې خلاصولو د جراحي عملیات پرېکړه وشوه.
ناروغ له عملیات وروسته د ژبې بشپړ حرکت او په عادي ډول د خبرو کولو وړتیا په ترلاسه کولو سره د ډاډ وړ روغتیايي وضعیت په لرلو له روغتون څخه رخصت شو.
