د کابل طبي علومو پوهنتون« ابو علي ابن سینا» ممتاز محصلان وستایل شول

IT_Director
دوشنبه ۱۴۰۲/۹/۲۰ - ۱۰:۱۸
محصلان ممتاز و برتر پوهنتون علوم طبی کابل"ابوعلی ابن سینا" تقدیر شدند

نن دوشنبه د روان کال د لیندۍ پر ۱۹ د یو لړ مراسمو په ترڅ کې د پوهنتون غوره او ممتاز محصلان چې د دغه پوهنتون په بېلابېلو پوهنځیو کې په تحصیل بوخت دي، وستایل شول.

د ممتازو محصلانو دغه غونډه د لوړو زده کړو وزارت د محصلانو چارو معین مفتي محمد طاهر احمد، د اطلاعاتو او فرهنګ وزارت د ځوانانو چارو معین قاری محمد یونس راشد، د کابل طبي علومو پوهنتون مشرتابه هیئت، د مرکز تحصیلي بنسټونود محصلانو چارو مرستیالانو، یو شمېر استادانو او محصلانو په ګډون د قران عظیم الشان د څو مبارکو آیتونو په تلاوت سره پیل شوه.

د پوهنتون د محصلانو چارو مرستیال استاد عطاالله فیضي ممتازو محصلانو ته د مبارکۍ تر څنګ وويل، هغه محصلین چې په خپل زیار او کوښښ وتوانېدل لوړې درجې تر لاسه کړي وستایل شول او دغه ساینه دوی ته یوه لویه لاسته راوړنه ده.

د کابل طبي علومو پوهنتون علمي مرستیال پوهاند دوکتور نجیب الله امرخېل وویل چې د طب علم زده کړه ستونزمنه ده او په ټولنه کې یې عملي کول ساده کار نه دی، نن د ویاړ ځای دی چې دغه محصلان وتوانېدل چې ممتازه درجه تر لاسه کړي، نوموړي له ټولو محصلانو وغوښتل چې په زیار او هڅه سره په ملي او نړیواله کچه ویاړلي ډاکټران او متخصصان جوړ شي.

د اطلاعاتو او فرهنګ وزارت د ځوانانو چارو معین په دغه مراسمو کې د هېواد پر ځان بسیاینې باندې خبرې وکړې، ځوانان او محصلان يې د علم زده کړې ته و هڅول او ویې ویل چې افغانستان آزاد  هېواد دی، امنیت خوندي دی او د تحصیلي بنسټونو لپاره ښه امکانات موجود دي تر څو ځوانان او محصلان په بشپړ ډاډ او روحیې خپلو زده کړو ته دوام ورکړي او هېواد په هره برخه کې د پر ځان بسیاینې، ودې او پرمختګ پر لور روان شي. 

د لوړو زده کړو وزارت د محصلانو چارو معین مفتي محمد طاهر احمد د طبابت پر اهمیت خبرې وکړې او ویې ویل چې د طب علم په ټولو علومو کې لوړ مقام لري ځکه د طب علم په وسیله د انسان ژوند ژغورل کېږي. د محصلانو چارو معین د محصلانو لپاره له وخت څخه سمه ګټه اخیستنه ډېره اړینه وبلله او له محصلانو یې وغوښتل چې په سم پلان جوړول سره پر خپلو درسونو او تحصیل پرمختګ باندې تمرکز ولري.

د ویلو ده چې د کابل طبي علومو پوهنتون د ټولو محصلینو له ډلې د طب، ستوماتولوژي، روغتیایي تکمیلي علومو، عامې روغتیا او نرسنګ پوهنځیو ۹۰ تنه محصلانو ته چې لوړې درجې یې تر لاسه کړې وې، د پوهنتون ادارې له لوري ترتیب شوي ستاینلیکونه ورکړل شول.

تازه خبرونه

شنبه ۱۴۰۴/۸/۳ - ۱۴:۴۹
Background image

د لابراتوار څانګې د ظرفیت لوړونې او روغتیايي خدماتو د ښه والي په موخه د کابل طبي علومو پوهنتون اړوند میوند تدریسي روغتون لابراتوار لپاره له دوه میلیونه زیاتو افغانیو په ارزښت لابراتواري مواد او تجهیزات وپېرل شول.  

په دغه تجهیزاتو کې د لابراتوار اړین توکي، د تشخیصي آزمایښتونو اړین توکي او ځینې تحصصي تجهیزات شامل دي چې د تدارکاتي پړاونو له بشپړېدو وروسته د یاد روغتون لابراتوار څانګې ته وسپارل شول. . . .

پنجشنبه ۱۴۰۴/۸/۱ - ۱۱:۴۱
Background image

د کابل طبي علومو پوهنتون او ترکیې هېواد د همکاریو او همغږۍ بنسټ تر منځ د ګډو همکاریو په موخه د ټیکا بنسټ رئيس فاضل اکن اوردغان د کابل طبي علومو پوهنتون« ابو علي ابن سینا» له رئیس شیخ الحدیث مفتي احسان الله ابوالفیضان سره لیدنه وکړه.

د کابل طبي علومو پوهنتون« ابو علي ابن سینا»   رئیس شیخ الحدیث مفتي احسان الله ابوالفیضان د دغه بنسټ استازو ته د ښه راغلاست تر څنګ وویل چې د څو لسیزو جګړو له امله د افغانستان تحصیلي نظام. . .

BACK TO NEWS