د کابل ابو علی ابن سینا طبي علومو په پوهنتون کې د کارمندانو د کړنو ارزونې د نوی تګلاری په اړه ورکشاپ جوړشو
دا ورکشاپ د سه شنبې په ورځ ( 12 د کب 1399 کال) د کابل ابو علی ابن سینا طبی علومو پوهنتون د بشري سرچینو آمریت لخوا د لوړو زده کړو وزارت د بشري سرچینو ریاست په همکارۍ په علمي کنفرانس (1) شمیره تالار کې د پوهنتون او اړونده تدریسی روغتونو د کارمندانو لپاره جوړ شو. په ورکشاپ کې د کابل ابوعلی ابن سینا طبی علومو پوهنتون رئیس ښاغلی پوهاند ډاکټر وحیدالله مومند، سید عمران فضلی مالی او ادارې مرستیال، د څانګو آمرینو، او د پوهنتون او تدریسی روغتونونو لوی شمیر کارمندانو برخه اخیستې وه.
د کابل ابو علی ابن سینا طبی علومو پوهنتون رئیس د دې ورکشاپ په لاره اچولو څخه مننه وکړه او په دفتر کې د کارمندانو د ایماندارۍ، ژمنتیا، مسؤلیت، حساب ورکونې، روڼتیا او انسجام د ارزښت او اهمیت په اړه خبرې وکړې او وی ویل چې په ریښتینې توګه د دندی ترسره کول او خلکوته خدمت کول د انسان په کاری ژوند کی مهم اصول دی چې اسلام پدې ډیر ټینګار کړی دی. هغه د دې ورکشاپ جوړول په پوهنتون کی د کاری چارو د ښه والی لپاره مهم او مؤثره وبلل.
وروسته، د لوړو زده کړو وزارت د بشري سرچینو ریاست د ظرفیتونو لوړولو ښوونکي ښاغلي عبیدالله مولایی د ملکي خدمتونو د کړنو ارزونې د نوی تګلاری په اړه د ورکشاپ ګډونوالو ته د چمتو شوی پریزنتیشن په مرسته معلومات ورکړل.
