د پوښتورګو پر سرطان اخته ناروغ له اته میاشتو وروسته خپله روغتیا لاسته راوړه
د پوښتورګو پر ناروغۍ اخته ۲۰ کلنه نجلۍ چې په هېواد کې د ننه او بهرنیو هېوادونو کې د درملنې لپاره یې بېلا بېلو روغتونونو ته مراجعه کړې وه، وروسته له اته میاشتو د کابل طبي علومو پوهنتون په علي آباد تدریسي روغتون کې د لازمو معایناتو وروسته یې د پوښتورګې پاسنۍ برخې جراحي عملیات په بریالي ډ،ل تر سره شو.
د علي آباد تدریسي روغتون د بطني جراحي ډيپارټمنت ډاکټر پوهنمل محمد آصف عادلیار وویل: دغه ناروغ چې ۲۰ کاله عمر لري، د بدن اړخونو درد، بدن خولې کېدلو او زړه زیات ضربان درلودلو له امله دغه روغتون ته مراجعه کړې ده چې له لازمو معایناتو وروسته یې عملیات په بریالي ډول تر سره شو.
ډاکټر عادلیار زیاته کړه چې د ناروغ وضعیت له جراحي عملیات وروسته په ښه کېدو دی.
له بلې خوا د ناروغ خپلوان وايي چې د درملنې لپاره یې مختلفو روغتونونو ته مراجعه کړې مګر پایله یې نه درلوده، اوس چې په دغه روغتون کې تر درملنه لاندې نیول شوی او عملیات یې په بریالي ډول تر سره شوی، خوښي څرګندوي.
