د پوهنتون د تدریسي روغتونونو ترمنځ د همغږۍ غونډه د کابل طبي علومو پوهنتون د روغتیايي مؤسسو چارو مرستیال ډاکټر محمد هاشم ځاځي په مشرۍ او د روغتونونو د رئیسانو په ګډون ترسره شوه.
په دې غونډه کې د روغتیايي کارکوونکو د ظرفیت لوړولو لپاره د ځانګړو ورکشاپونو او سیمینارونو د جوړولو لپاره د زمینې برابرول، د روغتونونو د اساسي او فرعي معیارونو ټاکل او په روغتونونو کې د شته ستونزو بیا کتنه او د عملي حل لار موندلو باندې بحث او نظرونه وړاندې شول.
د غونډې په پای کې، د روغتونونو د رئیسانو له خوا د نظرونو او وړاندیزونو له وړاندې کولو وروسته، د اجنډا د موضوعاتو په اړه اړینې پرېکړې وشوې.
