د سرطاني ناروغیو د تشخیص او درملنې مرکز د ودانیزو چاررو پروژې شرکت له مسوولینو سره د دغه پروژې د پاتې چارو غوره تر سره کېدو په اړه د همغږۍ فوق العاده ناسته تر سره شوه 

IT_Director
سه‌شنبه ۱۴۰۳/۵/۳۰ - ۱۴:۴۵
د سرطاني ناروغیو د تشخیص او درملنې مرکز د ودانیزو چاررو پروژې شرکت له مسوولینو سره د دغه پروژې د پاتې چارو غوره تر سره کېدو په اړه د همغږۍ فوق العاده ناسته تر سره شوه 

د کابل طبي علومو پوهنتون مالي او اداري چارو مرستیال مولوي عبدالرحمن مرحوم د لوړو زده کړو او ښار جوړونې وزارتونو له انجنیرانو او سرطاني ناروغیو د تشخیص او درملنې مرکز د ساختماني پروژې شرکت له مسوولینو سره په داسې حال کې چې د علي آباد تدریسي روغتون رئیس دوکتور عبدالمطلب شینواري او د سرطاني ناروغیو( آنکولوژي ) څانګې آمر او استادانو  هم حضور درلود لیدنه وکړه او د یادې پروژې د پاتې چارو تر سره کېدو او په دغه برخه کې د شته ستونزو د حل په اړه یې خبرې وکړې. 

د مالي او اداري چارو مرستیال دغه مرکز په ملي کچه مهمه او حیاتي پروژه وبلله او ژر تر ژره  د دغه پروژ ې پر بشپړېدو یې ټینګار وکړ. همدا رنګه له ټولو هغو مراجعو څخه چې په دغه پروژه کې دخیل دي غوښتنه وکړه چې له وزارت سره د کار جریان په شریکولو او پروژې د ستونزو په له منځه وړلو کې اقدام وکړي. 

له بلې خوا د لوړو زده کړو او ښار جوړونې انجنیرانو او د شرکت مسوولینو هغه ستونزې او بدلونونه چې  د پروژې په چارو کې را منځته شوي وو له مالي او اداري مرستیال سره شریک کړل.

تازه خبرونه

پنجشنبه ۱۴۰۴/۷/۱۰ - ۱۰:۲۵
Background image

د کابل طبي علومو پوهنتون «ابو علي ابن سینا» محصلانو لپاره د هېواد جیدو علمای کرامو له لوري د اسلامي ثقافت درسونو لړۍ بیا پیل شوه. دغه پروګرام د عصري علومو تر څنګ له دیني او عقیدتي علومو سره د محصلانو د بلدتیا په موخه پر لار اچول شوی دی.

د یادې لړۍ لومړنی درس د «شرعي او عصري علومو اهمیت» تر عنوان لاندې د شیخ الحدیث مولوي دوست محمد لخوا وړاندې شو. نوموړي په خپله وینا کې د دیني او عصري علومو تر منځ د توازن او برابرۍ پر. . .

پنجشنبه ۱۴۰۴/۷/۱۰ - ۱۰:۲۵
Background image

د علي آباد تدریسي روغتون د بطني جراحي او آنکولوژيکو ناروغیو برخې داکټرانو یو پېچلی جراحي عملیات ترسره کړی چې پکې د یو ۶۵ کلن ناروغ د لویو کولمو پاسنۍ (Ascending Colon) برخې پرمختللي تومور په بریالي ‌ډول لرې کړل شو.  

د دغه ډيپارټمنټ غړي داکټر احمد عمر امیري په وینا په یاد جراحي عملیات کې چې د لویې کولمې د  پورتنۍ تومور چې له ureter او duodenum سره نږدې نښتی و، لرې کړل شو. د ureteroureterostomy. . .

یکشنبه ۱۴۰۴/۷/۶ - ۹:۷
Background image

د رازي خصوصي پوهنتون یو شمېر محصلانو د یو علمي سیر په ترڅ کې د خپلې پوهې کچې لوړولو او طبي وسایلو سره د بلدتیا په موخه د کابل طبي علومو پوهنتون له عمومي کتابتون، طبي ټکنالوژي ډيپارټمنټ، لابراتوارونو او نورو برخو څخه له لیدنه وکړه.

د یاولو وړ ده چې دغه علمي سیر د رازي خصوصي پوهنتون ریاست په رسمي غوښتنه ترسره شوی دی او کابل طبي علومو پوهنتون د هېواد ټولو پوهنتونونو لپاره د علمي سیر په برخه کې د همکارۍ ډاډ ورکوي

BACK TO NEWS