د کابل طبي علومو پوهنتون نویو ګمارل شویو کارمندانو لپاره «د مدیریت اساسات او اسنادو مدیریت» تر عنوان لاندې د ظرفیت لوړونې شپږ ورځنی ورکشاپ د پوهنتون مالي او اداري چارو مرستیال مولوي عبدالرحمن مرحوم لخوا د تصدیق پاڼو په ورکولو سره بریالی پای ته ورسېد.
د مالي او اداري چارو مرستیال د نویو ګمارل شویو کارمندانو لپاره د دغه ورکشاپ د ګټور بللو تر څنګ ټینګار وکړ چې په راتلوونکي کې د کارمندانو د لا ودې او پرمختګ لپاره داسې نور ورکشاپونه هم جوړ شي او د یاد ورکشاپ له ټولو وړاندې کوونکو او ګډونوالو یې خوښي څرګنده کړه.
په دغه ورکشاپ کې د ادرې او مدیریت، مدیریت کچې، اداري سلسله مراتبو، ادارې اساسي اصولو، پلان جوړونې، ادارې تنظیم او د مدیریت اساساتو او اسنادو مدیریت اړوند نورو مسایلو په اړه معلومات ورکړل شول.
