د کابل طبي علومو پوهنتون اړوند نسايي ولادي تدریسي روغتون د لړم میاشتې په جریان کې
د کابل طبي علومو پوهنتون اړوند نسايي ولادي تدریسي روغتون د لړم میاشتې په جریان کې ناروغانو ته د تشخیص او درملنې خدمات وړاندې کړي دي. د دغه روغتون د معلوماتو پر اساس د دې میاشتې په جریان کې ۱ زر، ۵۷۹ تنه ناروغانو ته سراپا(OPD) خدمات وړاندې شوي دي او د ۲ زره، ۳۳۲ تنه ناروغانو لپاره د لابراتواري معایناتو خدمات وړاندې شوي دي. همدا رنګه د الټراسونډ په برخه کې ۱ زر، ۵۳۴ تنه ناورغانو ته خدمات وړاندې کړي دي.
له بلې خوا د لړم میاشتې په دوام د جراحي په برخه کې هم ۱۵۳ بریالي عملیاتونه ترسره شوي دي. دغه خدمات د مور او ماشوم د روغتیا وضعیت د ښه والي لپاره د یاد روغتون د روغتیايي ټیم له هڅو څخه دي چې د خدماتو کیفیت د لوړوالي لپاره لا هم هڅې دوام لري.
