د کابل طبي علومو پوهنتون د علمي کادري بستونو لپاره آزموینه واخیستل شوه
دوشنبه ۲۹ - حمل - ۱۴۰۱
د کابل طبي علومو پوهنتون د تشو علمي کادري بستونو لپاره آزموینه د دغه پوهنتون د رئیس پوهنیار ډاکټر فضل الرحمن رحماني، علمي مرستیال پوهاند ډاکټر نجیب الله امرخیل، د مالي او اداري چارو مرستیال انجنیر عظیم الله کامران اخندزاده او د موظف هئیت په حضور کې په پوره شفافه او عادلانه فضا کې واخیستل شوه.
په پیل کې د کابل طبي علومو پوهنتون ابو علي ابن سینا رئیس ښاغلي رحماني د آزموینې دترسره کېدو څرنګوالي په اړه خبرې وکړې او له ټولو استادانو یې وغوښتل چې د آزموینې بهیر په عادلانه توګه ترسره کړي او د آزموینې پر مهال شفافیت او صداقت په پام کې ونیسي.
همدارنګه د لوړو زده کړو وزارت علمي معین دوکتور لطف الله خیرخواه هم د دغه آزموینې څخه لیدنه او څارنه وکړه.
د یادونې وړ ده چې د کابل طبي علومو پوهنتون ابو علي ابن سینا په دې رقابتي آزموینه کې(١٨٠) تنو وړ نوماندانو برخه اخیستې وه .
