د کابل طبي علومو پوهنتون «ابو علي ابن سینا» استادانو او کارمندانو ته درې ورځنی دیني - علمي سیمینار په بریالی ډول پای ته ورسېد.
د دغه سیمینار درېیمې ورځې په پیل کې د آجنډا اړوند شیخ الحدیث ظهور الله صاحب د مسؤلیت احساس، امانت دارۍ، د خیانت غندنې، د استاد مقام او د محصلینو او نظام بر وړاندې د هغه مسؤلیتونو په اړه وینا وکړه. نوموړي زیاته کړه محصلانو ته د تدریس په برخه کې د مسؤلیت احساس کولای شي د هغوی ذهن او افکارو ته په ښه ډول وده ورکړي څو په راتلونکي کې هغوی هم د نورو نسلونو د روزنې لپاره په اخلاص او د مسؤلیت احساس په لرلو سره خپله دنده ترسره کړي.
د سیمینار په دوام مفتي لطف الله صاحب د جهاد فضایل او اهمیت ، د مسلمانانو د کمزورتیا اسباب ، یووالي او اتفاق او د تعصب زیانونو په اړه خبرې وکړې ویې ویل: جهاد الهي امر دی، د هېواد آزادۍ او خلکو د عزت او اسلامي عقیدې د ساتنې لپاره پر هر مسلمان فرض دید جهاد په برکت سره زموږ په هېواد کې امنیت، سوکالي او آبادي رامنځته شوې ده، د هر چا حقوق خوندي دي. نومړي زیاته کړه؛ په یو والي، اتحاد او له قومي او ژبني توپیر پرته کولای شو خپل هېواد پر ځان بسیا کړو او د ټولنې د حقونو او اړتیاوو د پوره کولو لپاهر هڅې وکړو.
د یادولو وړ ده چې تر دې وړاندې هم د کابل طبي علومو پوهنتون «ابو علي ابن سینا» استادانو، کارمندانو او محصلانو لپاره د دغه پوهنتون د دعوت او ارشاد آمریت له لوري دا ډول پروګرامونه ترسره شوي وو چې د هيواد لویو علمای کرامو لخوا پکې مهم دیني موضوعات وړاندې شول.
