د کابل طبي علومو پوهنتون اړوند نرسنګ پوهنځي محصلانو چې مخکې یې د پولیسو ۳۰۰ بستریز ملي او تخصصي روغتون څخه علمي سیر ترسره کړی و
د کابل طبي علومو پوهنتون اړوند نرسنګ پوهنځي محصلانو چې مخکې یې د پولیسو ۳۰۰ بستریز ملي او تخصصي روغتون څخه علمي سیر ترسره کړی و، د کابل طبي علومو پوهنتون رئیس، یو شمېر محصلانو او استادانو په حضور یې د دغه علمي سیر پایلې او تجربې د یو علمي پرزنټېشن په ترڅ کې وړاندې کړې.
په دغه پروګرام کې محصلانو د نرسنګ او روغتیایي خدماتو په بېلابېلو برخو کې خپلې زده کړې او موندنې تشرېح کړې او د پرستارۍ خدماتووړاندې کولو غوره لارو چارو، کاري نظم او روغتون په چاپېریال کې د عملي تجربو د اهمیت په اړه یې بحث او د نظرونو تبادله وکړه.
د کابل طبي علومو پوهنتون رئیس شیخ الحدیث مفتي احسان الله ابوالفیضان په خپلو خبرو کې د نرسنک پوهنځي استادانو او محصلانو له هڅو ستاینه وکړه او علمي سفرونه یې د ظرفیت لوړونې او روغتیایي خدماتو په برخه کې د عملي زده کړو آماده ګۍ لپاره مهم ګام وباله. نوموړي ژمنه وکړه چې د محصلانو د علمي سفرونو لپاره به لا زیاته زمینه برابره کړي
