د تضمین کیفیت په برخه کې د کارمندانو د پوهاوي کچې لوړوالي په موخه د کابل طبي علومو پوهنتون «ابو علي ابن سینا» اړوند سترګو تدریسي روغتون کې د تضمین کیفیت نوي چک لېست په اړه د پوهاوي ناسته ترسره شو.
دغه ناسته د روغتون ټولو اداري او روغتیایي کارمندانو په حضور ترسره شوه چې پکې د نوي چک لېست اساسي مفاهیمو، په بېلابېلو برخو کې د هغه د تطبیق څرنګوالي، د اداري او روغتیايي خدماتو کیفیت په ښه والي کې د کارمندانو د ونډې په اړه د یاد روغتون مسوولینو له لوري مفصل توضېحات وړاندې کړل.
د غونډې په دوام ګډون کوونکو د دغه چک لېست د اغېزمن تطبیق په اړه خپلې پوښتنې او لیدلوري وړاندې کړل او په روغتون کې په سمه توګه د یاد چک لېست اجراء کېدو لپاره د ټولو برخو له لوري پر همکارۍ ټینګار وشو.
