...
په وروستیو درېیو کلونو کې د کابل طبي علومو پوهنتون اړوند سینې، زړه او رګونو ناروغیو انسټېټیوټ پدې توانېدلی چې ناروغانو ته مهم او پراخ روغتیايي خدمات وړاندې کړي. د موجوده شمېرو پر اساس په دغه موده کې ۴۷ زره ۲۳۵ تنه ناروغانو یاد انسټېټیوټ ته مراجعه کړې ده چې له ډلې یې ۱۶۸۰ تنو ته د بستر خدمات وړاندې شوي او د ۹۰۵ تنه نورو ناروغانو بریالي جراحي عملیاتونه ترسره شوي دي.
دغه خدمات د روغتیايي کیفیت ښه والي، د بېلابېلو برخو تجهیز او مسلکي کادرونو د ظرفیت لوړونې په برخو کې د پرله پسې هڅو له امله ترسره شوي؛ ترڅو ناورغان د معیاري او پر وخت روغتیايي خدماتو وړاندې کېدو څخه برخمن شي.
