د کابل طبي علومو پوهنتون "ابوعلي ابن سینا" اړوند نسايي ولادي تدریسي روغتون په تېرو درېیو کلونو کې له ۴ زره زیات د نسايي ولادي تخصصي بریالي عملیاتونه ترسره کړي دي.
په دغه موده کې د یاد روغتون ډاکټرانو او متخصصانو ټیم د بېلابېلو جراحي عملیاتونو لکه: نورمال زېږون، سزارین عملیاتونه، له زېږون وروسته ترمیمونه او د روغتیا اړوند تخصصي جراحۍ په اغېزناک او مسلکي ډول مدیریت کړي دي.
یادې شمېرې د ظرفیت لوړوالي او په هېواد کې د میندو او ماشومانو روغتیا ساتلو په برخه کې د روغتون له لوري د کیفیت لرونکو خدماتو وړاندې کولو څرګندويي کوي.
