د الکترونیکي سیسټم د اپډېټولو، اداري او روغتیایی چارو د چټکولو په موخه
د الکترونیکي سیسټم د اپډېټولو، اداري او روغتیایی چارو د چټکولو په موخه، د Health Net لخوا د کابل طبي علومو پوهنتون اړوند سترګو تدریسي روغتون ته دوه پایې کمپیوټرونه او دوه پایې پرنټرونه ورکړل شول، دا اقدام د روغتیایي خدماتو ښه کولو او په دې روغتون کې ناروغانو ته د ښې پاملرنې په موخه ترسره شوی.
د روغتون چارواکي وايي چې دغه تجهیزات به په مهمو څانګو لکه عملیاتخونو او د درملو په ډیپوګانو کې وکارول شي څو خدمات لا دقیق او چټک وړاندې شي. دوی د دغه موسسې له دوامداره مرستې مننه څرګنده کړه او یادونه یې وکړه چې مخکې له دې هم د Health Net په مرسته دغه روغتون ته یو شمېر طبي تجهیزات او ماشینونه چمتو شوي دي.
