...
د کابل طبي علوو پوهنتون اړوند ستوماتولوژي تدریسي روغتون په طبي وسایلو او مصرفي موادو له سمبالېدو وروسته او همدا رنګه د پروستودنتیکس ډيپارټمنټ د هڅو له امله د دې میاشتې په لړ کې شاوخوا ۸۷ ناروغانو ته د مصنوعي متحرکو غاښونو(Removable Denture) جوړولو خدمات ترسره شوي دي.
دغه خدمات چې د معیاري تجهیزاتو او کیفیت لرونکو موادو څخه په ګټه اخیستنې ترسره شوي، ستوماتولوژي تدریسي روغتون په دې توانېدلی چې د ناروغانو د غاښونو له لاسه ورکولو ستونزې او مهمې اړتیاوې پوره کړي.
کابل طبي علومو پوهنتون تل هڅه کوي تر څو د ستوماتولوژي په څانګو کې محصلانو ته د عملي روزنې له لارې خلکو ته د معیاري او تخصصي خدماتو وړاندې کولو زمینه هم برابره کړي.
