په کلینيکي تشخیص کې د (Cyber patient) مؤثریت په نامه د کابل ابو علي ابن سینا طبي علومو پوهنتون او د کانادا هیواد د بریتش کولمبیایي پوهنتون تر منځ د ګډو کلینیکي څېړنو لومړنۍ پروژه

IT_Director
پنجشنبه ۱۳۹۸/۱۰/۲۶ - ۱۰:۳۰
اولین پروژه تحقیقات

دا پروګرام د ۱۳۹۸ لمریز کال د مرغومي (جدي) میاشتې په ۲۵مه نېټه د کابل ابو علي ابن سینا په طبي علومو پوهنتون کې دایر شو، چې د یاد پوهنتون رئیس ښاغلي پوهاند ډاکتر وحیدالله مومند، علمي معاون پوهاند ډاکتر نجیب الله امرخېل، په افغانستان کې د دې پروګرام تنظیموونکي ښاغلي ډاکتر عصمت الله نایب خېل، د علي آباد تدریسي روغتون د یورولوژي دیپارتمنت استاد ښاغلي پوهنیار ډاکتر عمران عمر او د یاد پوهنتون یو شمېر استادانو او محصلینو په دې پروګرام کې ګډون کړی و.

دا پروګرام د قرآنکریم څو مبارکو آیتونو په تلاوت سره پیل شو. د پوهنتون رئیس پوهاند ډاکتر وحیدالله مومند د دې پروګرام د پیل په اساس محصلینو ته د مبارکۍ تر څنګ وویل: "د طبي علومو پوهنتون ریاست تل هڅه کوي، چې د دې پوهنتون محصلینو لپاره د نړیوالو معیارونو په اساس د علمي او نظري زده‌کړو زمینه مساعده کړي. همدا رنګه ښاغلي مومند د لوړو زده‌کړو په برخه کې څېړنه د محصلینو لپاره ډېره اړینه وبلله.

بیا د دې پوهنتون علمي معاون ښاغلي پوهاند ډاکتر نجیب الله امرخېل په طبي علومو پوهنتون کې د دې پروګرام پیلېدل ډېر د خوښۍ خبر وباله او د دې پروګرام د پیلېدو موخه یې د محصلینو په کلینیکي برخه کې د علمي او نظري کارونو تقویه او وده وبلله. بیا د دې پروګرام تنظیموونکي ښاغلي عصمت الله نایب خېل محصلینو ته د (Cyber patient) پروګرام د اجرا کولو په اړه معلومات ورکړل او دا اقدام یې د کابل طبي علومو پوهنتون او د کانادا پوهنتون ترمنځ د همکاریو پیل وباله.

دغه راز په دې پروګرام کې د علي آباد تدریسي روغتون استاد ښاغلي پوهاند ډاکتر عصمت الله سجاد او د دې پوهنتون د استادانو چارو آمر ښاغلي پوهنیار شفیع الله روغمل هم د دې پوهنتون د محصلینو د کلینکي کارونو په برخه کې  د (Cyber patient) د اهمیت او مؤثریت په اړه خبرې وکړې.

په پای کې هم محصلینو او استادانو د ټاکل شوي پروګرام په اساس خپلو کارونو او دندو ته رسیدګي وکړه.

 

تازه خبرونه

چهارشنبه ۱۴۰۴/۸/۷ - ۹:۴۹
Background image

د کابل طبي علومو پوهنتون د طبي انجنيرۍ ټکنالوژۍ ډیپارټمنټ یو شمېر فارغانو د خپلو نوښتونو او لاسته راوړنو د لړۍ په دوام کې، دا ځل د "Smart Mobile Surgical Light" په نوم یو ګرځنده جراحي څراغ ډیزاین او جوړ کړی دی.

یاد څراغ په روغتونونو کې د عملیاتو خونو د عملي اړتیاوو په نظر کې نیولو سره جوړ شوی، چې د لوړوالي تنظیم، د رڼا زاویې بدلون، او آسانه لېږد وړتیاوې لري. دا څراغ په ځیرک کنټرول سیستم سره. . .

دوشنبه ۱۴۰۴/۸/۵ - ۹:۲۹
Background image

د کابل طبي علومو پوهنتون اړوند طبي انجنیري ټکنالوجۍ ډيپارټمنټ د لاسته راوړنو په دوام د دغه ډيپارټمنټ یو شمېر فارغان د انکوباتور (Incubator Machine) ماشین چې د زېږون له مودې مخکې او کم وزن لرونکو ماشومانو په مراقبت کې رغنده ونډه لري؛ په طراحي او جوړولو...

د کابل طبي علومو پوهنتون اړوند طبي انجنیري ټکنالوجۍ ډيپارټمنټ د لاسته راوړنو په دوام د دغه ډيپارټمنټ یو شمېر فارغان د انکوباتور (Incubator Machine) ماشین چې د زېږون له مودې مخکې او کم. . .

یکشنبه ۱۴۰۴/۸/۴ - ۱۰:۵
Background image

د کابل طبي علومو پوهنتون اړوند روغتیايي تکمیلي علومو پوهنځي د طبي انجنیري ټکنالوجۍ ډيپارټمنټ یو شمېر فارغ محصلان د نویو زېږېدلیو ماشومانو د ګرمولو (Infant Warm Care) یو پایه ماشین په طراحي او جوړولو بریالي شول چې د فني او جوړوښتې پلوه د نړیوالو نمونو ...

د کابل طبي علومو پوهنتون اړوند روغتیايي تکمیلي علومو پوهنځي د طبي انجنیري ټکنالوجۍ ډيپارټمنټ یو شمېر فارغ محصلان د نویو زېږېدلیو ماشومانو د ګرمولو (Infant Warm Care) یو پایه ماشین په. . .

BACK TO NEWS