په هېواد کې د سرطان ناروغیو د زیاتوالي په اړه د څېړنیز راپور چمتو کولو په موخه ناسته ترسره شوه.
نن چهار شنبه د ۱۴۰۰ کال د کب 25 مه د کیمیاوي وړانګو د اغیزو او په افغانستان کې د تیرو شلو کلونو جګړې او د بهرنیو اشغالګرو لخوا د بیلابیلو وسلو د کارونې په بهیر کې د سرطان له زیاتوالي سره د هغې د اړیکو په اړه د څیړنیز راپور د چمتو کولو په موخه د کابل د طبي علومو پوهنتون د رئیس پوهنیار ډاکټر فضل الرحمن رحماني، د علمي چارو مرستیال پوهاند ډاکټر نجیب الله امرخیل او د دغه پوهنتون د څانګو د غړو په ګډون غونډه جوړه شوه.
په دې ناسته کې د کابل د طبي علومو پوهنتون رئیس د غونډې ګډونوالو ته د ښه راغلاست ترڅنګ د یادې موضوع په اړه خبرې وکړې او دا څېړنه یې د افغانستان په اوسنيو شرايطو کې، چې د سرطان ناروغي په ډېرېدو ده، مهمه او ضروري وبلله.
د علمي چارو مرستیال پوهاند ډاکټر نجیب الله امرخیل هم په دي غونډه کې دبیلابیلو ابعادو په اړه خبرې وکړې، همدارنگه افغانستان کې دبیلابیلو وسلو داستعمال په اړه دڅیړنیز راپور دجوړولو په موخه دمناسبو حل لارو دترلاسه کولو په موخه هراړخیز بحثونه ترسره او لازم تصمیمونه ونیول شول.
