په سترګو تدریسي روغتون کې د یوې نادرې پېښې جراحي بریالی عملیات
د کابل طبي علومو پوهنتون اړوند سترګو تدریسي روغتون ډاکټران او متخصصان توانېدلي چې په جراحي عملیات سره د یو ۴۰ کلن ناروغ د سترګې له حجاج برخې څخه د تومور کتله د سترګې نورو برخو په خوندیتوب سره بریالۍ وایستله.
د سترګو متخصص پوهنمل ډاکټر میرویس صالح په وینا دغه ناروغ چې له یو کال راهیسې یې د د سترګې په لاندینۍ برخه کې کتله پیدا او د وخت په تېرېدو سره لویه شوې وه؛ چې د ناروغ د سترګې حرکت د کموالي، کوږوالي او درد لامل شوې وه. نوموړي زیاته کړه چې تر لازمو معایناتو وروسته د عمومي انستیزي په حالت کې یې جراحي عملیات تر سره او د تومور کتله په بریاليتوب سره وایستل شوه.
همدارنګه ډاکټر صالح د ناروغ د سترګو حرکت، لید او روغتیایي وضعیت څخه ډاډ ورکړ.
