د کابل طبي علومو پوهنتون یو محصل په یوکلني نړیوال او علمي کنفرانس کې د غوره څېړنیزې مقالې وړاندې کوونکي جایزه وګټله
د بشیر احمد په نامه د کابل طبي علومو پوهنتون د عامې روغتیا پوهنځي څلورم ټولګي محصل په یوکلني نړیوال او علمي کنفرانس د ۷۰ تنو ګډون کوونکیو په ډله کې د غوره څېړنیزې مقالې وړاندې کوونکي لومړي مقام جایزه وګټله.
دغه کنفرانس چې په (FMIC) یا د مور او ماشوم لپاره د فرانسېویانو طبي انسټیټیوټ کې جوړ شوی و، د لومړي ځل لپاره د کابل طبي علومو پوهنتون د عامې روغتیا ۲۸ تنه محصلینو هم ګډون کړئ و چې د تغذي، حفظ الصحې، روغتیایي تعلیماتو، د چاپېریال او دندې روغتیا، روغتیایي سیستم، ساري او غیرساري ناروغیو تر عنوان لاندې څېړنیزې مقالې د داخلي او بهرني ګډونوالو په حضور کې وړاندې کړې.
د یادونې وړ ده چې په دغه څېړنیز کنفرانس کې د بشیر احمد لخوا وړاندې شوې څېړنیزه مقاله د ګډوالو لخوا خوښه شوه او هغه ډالې چې د لومړي مقام ګټونکي ته په پام کې نیول شوې و، ورته ورکړل شوه.
