د کابل طبي علومو پوهنتون مالي او اداري چارو مرستیال مولوي عبد الرحمن مرحوم د روغتیايي موسسو چارو مرستیال ډاکټر محمد هاشم ځاځي په ملتیا د علي آباد تدریسي روغتون د اداري فعالیتونو ارزونې او روغتیايي خدماتو د کیفیت کتنې په موخه لیدنه وکړه.
په دغه لیدنه کې د روغتون اړوند بېلابېلو برخو اداري چارو، پاکوالي، خوراکي توکو او پخلنځي نظم او همدارنګه په لابراتوارونو کې د معایناتو ترسره کېدو او اړینو لابراتواري موادو کتنه وشوه، ترڅو د معیاري خدماتو وړاندې کېدو د اغېزمن کاري سیستم له تطبیق څخه ډاډ ترلاسه شي.
