د کابل طبي علومو پوهنتون مالي او اداري چارو مرستیال مولوي عبدالرحمن مرحوم په مشرۍ او د دغه کمېټې غړیو په حضور د مالي او اداري کمېټې غونډه ترسره شوه.
په دغه غونډه کې د آجنډا اړوند د امیرالمؤمنین (حفظه الله) د فرمانونو د ښه عملي کېدو، د اداري کارمندانو د مسوولیتونو، سیرت او صورت، اخلاص، د پوهنتون او تدریسي روغتونونو په اداري او روغتیايي چارو کې همغږي کولو، تضمین کیفیت او نورو مهمو مسایلو په اړه هر اړخیز بحث وشو.
د ناستې په پای کې د ګډونوالو له لوري د نظرونو او پېشنهادونو وړاندې کېدو وروسته لازمې پرېکړې وشوې.
