د کابل طبي علومو پوهنتون د نشراتو کمېتې غونډه ترسره شوه
دوشنبه د ۱۴۴۴ هـ ق کال د شوال المکرم میاشتې پر ۲۵ نېټه د کابل طبي علومو پوهنتون د نشراتو کمېټې میاشتننۍ غونډه د یادې کمېټې د غړو په ګډون او د پوهنتون علمي مرستیال پوهاند دوکتور نجیب الله امرخېل په مشرۍ د استادانو د علمي مقالو او کتابونو د کتنی په موخه ترسره شوه.
غونډه د قرآن کریم په تلاوت سره پیل شوه او په دوام یې د استادانو د علمي مقالو او کتابونو په اړه تر هر اړخیز بحث وروسته لازمې پړېکړې ونیول شوې. غونډه کې د پوهنتون د علمي-څېړنیزې مجلې د ISSN نمبر اخیستلو باندې هم بحث وشو او په دې اړه پرېکړه وشوه چې د هیت تحریر غړي دې ژر تر ژره لازم اسناد او معلومات د ISSNنمبر اخیستلو لپاره د اړیکو او عامه پوهاوي آمریت ته تسلیم کړي. غونډه د دعا په ویلو سره پای ته ورسېده.
