د کابل طبي علومو پوهنتون د مسلکي بستونو آزموینه د شفافې پروسې په ترڅ کې واخیستل شوه
د کابل طبي علومو پوهنتون اړوند تدریسي روغتونونو مسلکي بستونو آزموینه چې د آزادو سیالیو له لارې اعلان ته سپارل شوي وو، نن پنجشنبه د روان کال د کب پر ۱۰ له ۵۰۰ نارینه نوماندانو څخه د شفافې پروسې په ترڅ کې د لوړو زده وزارت او کابل طبي علومو پوهنتون مسوولینو په حضور کې واخیستل شوه.
په همدې تړاو جوړو شویو مراسمو کې چې د کابل پوهنتون د تمیم انصاري په تالار کې جوړ شوي وو، د لوړو زده کړو وزارت مالي او اداري معین الحافظ مولوي محمد حامد حسیب د تحصیل د ارزښت په اړه خبرې وکړې او ویې ویل چې لوړو زده کړو وزارت هڅه کوي څو د باسواده ځوانانو لپاره د کار او خدمت زمینه برابره کړي. نوموړي ټینګار وکړ چې د آزموینې پروسه شفافه ده او دغه وزارت کوښښ کوي څو مناسب او مسلکي کسان د آزادو سیالیو له لارې د اړتیا وړ په ځایونو کې وګوماري.
د یادونې وړ ده چې په دغه آزموینه کې د نرسنګ، تکنالوژيست، انستیزېست، د غاښونو د پروتیز تکنېشن، د رادیولوژي تکنېشن، لبرانت او فارمسي برخې شاملې وې؛ همداراز د کابل طبي علومو پوهنتون ژمن دی چې خپل ټول مسلکي بستونه د آزادو سیالیو له لارې اعلان ته وسپاري، تر څو مسلکي او با تجربه کسان چې ورته اړتیا وي په کار وګوماري
