د کابل طبي علومو پوهنتون د محصلانو لپاره د «علمي مونوګراف لیکنې» درې ورځنی ورکشاپ ترسره شو. دغه روزنیز پروګرام د پوهنتون څېړنو او علمي مجلې په نوښت د محصلانو د ظرفیت لوړونې او لیکنې مهارتونو د ودې په موخه ترسره شو.
په دغه ورکشاپ کې محصلانو ته د مونوګراف لیکنې اصولو او پړاونو، د مونوګراف علمي جوړښت، د اطلاعاتو راټولو معتبرو لارو او علمي لیکنو د مهارتونو په اړه معلومات وړاندې شول. د یاد پروګرام اصلي موخه له معیاري مونوګرافونو سره د محصلانو لا زیاته بلدتیا او د څېړنو په برخه کې د محصلانو د علمي کچې لوړوالی دی.
