د کابل طبي علومو پوهنتون اړوند میوند تدریسي روغتون د غوږ، ستوني او پزې ډيپارټمنټ ډاکټرانو د ډاکتر حامد مشرقي په مرسته د ستوني تومور thyroid papillary carcinoma بریالي جراحي عملیات ترسره کېدو خبر ورکوي.

  
د غوږ، ستوني او پزې ډيپارټمنټ غړي ډاکټر احمد ضیا مایار په وینا دغه ناروغ چې عمر یې  ۲۲ کاله و، د ساه بندښت او خوړو مړۍ تېرولو پر مهال د ستونزې له امله روغتون ته مراجعه کړې وه او  د الټراسونډ، FNAC، TFT  او سي ټي سکن معایناتو له بشپړېدو وروسته thyroid papillary carcinoma تشخیص شو چې د (total thyroidectomy)  او (neck dissection radical)  عملیات یې ترسره شو.

د یادولو وړ ده چې له عملیات وروسته د ناروغ غږ او ساه اخیستل بشپړ ښه شوي او د تومور نمونه د لاښه تشخیص او وروستیو مراقبتونو لپاره پتالوژي ډيپارټمنټ ته لېږل شوي دي.