د کابل طبي علومو پوهنتون «ابو علي ابن سینا» اړوند علي آباد تدریسي روغتون د اعصابو جراحي ډيپارټمنټ ډاکترانو د لومړي ځل لپاره په اندوسکوپيک روش سره د یو ۴۵ کلن ناروغ د نخامیه غدې تومور لرې کولو جراحي بریالی عملیات ترسره کړ.

د دغه ډيپارټمنټ غړی ډاکټر رحمت الله صلاح نورزی وايي چې ناروغ له ډېرې مودې راهیسې د سترګو لید کموالي، شدید سر درد، د سر، پښو، ژبې او ژامې غیر طبیعي لویوالي، ژبې غیر طبیعي حرکتونو او غږ بدلون له امله روغتون ته مراجعه کړې وه چې دا ټولې د اکرومګالي (Acromegaly) ناروغۍ نښې دي. له کره او بشپړ معایناتو وروسته تشخیص شوه چې ناروغ د مغز نخامیه غدې (Pituitary gland) تومور لري چې د پوزې له لارې یې د تومور لرې کولو جراحي عملیات ترسره شو.  

د یادولو وړ ده چې د ناروغ په ښه روغتیايي حالت رخصت شو او لرې کړل شوی تومور د زیاتو کتنو لپاره د پتالوژي ډيپارټمنټ ته ولېږل شو.