د نظارت او ارزونې هیئت د صدري او قلبي وعایي ناروغیو له انسټېټیوټ څخه لیدنه وکړه
له روغتونونو څخه د نظارتونو په لړ کې دا ځل د کابل طبي علومو پوهنتون نظارتي هیئت د روغتیایي موسسو چارو مرستیال ډاکټر محمد هاشم ځاځي په رهبرۍ د سینې، زړه او رګونو ناروغیو انسټېټیوټ روغتیایي خدماتو تر سره کېدو بهیر ارزونه او نظارت وکړ.
د روغتیایي موسسو چارو مرستیال د یاد انسټېټيوټ له ټولو روغتیایي برخو څخه لیدنه وکړه او د هغوی د اړتیاوو او ستونزو له منځه وړلو په برخه کې یې د همکارۍ ژمنه وکړه.
د یادولو وړ ده چې د صدري او قلبي وعايي ناروغیو انسټېټیوټ د ماشومانو او کاهلانو قلبي داخلې، صدري داخلې، د زړه جراحي او صدري جراحي په برخو کې فعالیت کوي.
