د نشراتو کمېټه ترسره او د (اسلامي رسنیز، اخلاق او لارښوونې) کتاب مخ کتنې ته وړاندې شو.
شنبه د ۱۴۴۴ هـ ق کال د شعبان المعظم میاشتې پر ۲۵ مه نېټه د کابل طبي علومو پوهنتون د علمي چارو مرستیال پوهاند دوکتور نجیب الله امرخېل په مشرۍ د نشراتو کمېټه ترسره شوه.
په دغه ناسته کې د استادانو د علمي آثارو د ارزونې ترڅنګ فکري او معنوي ملکیتونو د حقونو کړنلارې په اړه چې د اړیکو او عامه پوهاوي آمریت لخوا چمتو او ترتیب شوې وه، هر اړخیز بحث او کتنه وشوه، وروسته پرېکړه وشوه چې یاده کړنلاره د کمیټې غړو او نور اړونده سرچینو ته ولېږل شي.
همداراز په یاده ناسته کې د اطلاعاتو او نشراتو برخې لارښوود کتاب چې د اړیکو او عامه پوهاوي آمریت له لوري د اسلام مبارک دین په رڼا کې د رسنیو او نشراتو کارمندانو ته د لارښونو، مسلکي تګلارې او طرزالعمل په موخه ترتیب او چاپ شوی دی، هم کرکتنې ته وړاندې شو؛
یاد اثر چې د (اسلامي رسنیز، اخلاق او لارښوونې) تر عنوان لاندې په ۵۰ مخونو کې ترتیب او ۵۰۰ ټوکه چاپ شوی دی د رسنیزو اخلاقو او ارزښتونو، ټولنې ته د ګټورې اطلاع رسونې، د چاپي، الکټرونیکي او ټولنیزو رسنیو اخلاق، د راپور ډولونه او اصول، د معلوماتو راټولولو او انځورګرۍ اصول او داسې نور موضوعات شامل دي، او په اړه یې د اسلام مبارک دین په رڼا کې تفصیلې لاروښوونې له بېلا بېلو منابعو څخه راوړل شوې او په اړه یې څېړنه شوې ده، څو د رسنیو کارمندان او مخاطبان د اطلاع او خبر رسولو پر مهال د اسلامي ژورنالیزم تګلارې په رڼا کې عمل وکړي.
