د علمي کادر غړیو د تقرر او ترفیع لپاره د ډیجیتلي سیستم د پېژندنې، د تقرر او ترفیع له نوي بهیر سره د کابل طبي علومو پوهنتون د ډیپارټمنټ آمرینو د لا بلدتیا په موخه روزنیز سمینار وړاندې شو.
په دې سمینار کې د لوړو زدهکړو او مخابراتو وزارتونو مسلکي کارکوونکیو لهخوا د استادانو د استخدام او تقرر، د علمي ترفیعاتو او داخلي بورسونو ته د غوښتنلیک ورکولو د ثبت بهیر په مفصله توګه تشریح شو.
یاد ډیجیتلي سیستم چې د لوړو زدهکړو وزارت د تقرر او ترفیعاتو ریاست له لوري جوړ شوی، د استادانو د تقرر او ترفیعاتو اړوند اداري چارو د ساده کولو، چټکتیا او د وخت د سپما او له اداري ستونزو د مخنیوي په موخه ډیزاین شوی دی.
د ډیپارټمنټ آمرینو د پروګرام په لړ کې له دې نوې سیستم څخه د هرکلي ترڅنګ، خپل نظرونه او پوښتنې هم شریکې کړې.
