د روغتون بېلابېلو برخو ته د مراجعینو د رسېدنې او آسانتیا په موخه د کابل طبي علومو پوهنتون اړوند سترګو تدریسي روغتون کې یو شمېر لوحې ولګول شوې.
د لارښوونې دغه لوحې د پوهېدلو وړ او په واضح ډول جوړې شوي دي چې د روغتون د اداري، نوم لیکنې(راجستر)، معایناتو، عملیات خونو، عینک جوړونې اتاقونو او درملتون بېلابېلې لارې مشخص کوي.
د روغتون مسوولین وايي چې د دې لوحو لګول د نظم او مراجعينو د لا ښې لارښوونې په برخه کې یو اغېزناک ګام دی.
