د «د ځوان نسل فکري روزنې» کتاب سیالۍ آزموینه د کابل طبي علومو پوهنتون «ابو علي ابن سینا» له محصلانو د دغه پوهنتون د محصلانو چارو مرستیال مفتي سید جمال آغا په حضور واخیستل شوه.
د دې آزموینې موخه، مطالعې ته د محصلانو تشویقول، د ځوانانو ځانګړتیاوو، اخلاقي او ديني مسئولیتونو او د قومپالنې د زیانونو په اړه د دوی د پوهې لوړول وو.
یادونه باید وشي چې تر دې وړاندې هم د کابل طبي علومو پوهنتون د خپلو تحصیلي او فرهنګي پروګرامونو په لړ کې ورته رقابتي آزموینې اخیستې وې، چې د محصلانو له تود هرکلي سره مخ شوې وې او د دوی علمي پوهه، انتقادي تفکر او ديني-اخلاقي ارزښتونو په پیاوړتیا کې یې اغېزناکه ونډه لرلې ده.
